July 13, 2024

no1breakingnews.com

Leading conservative magazine covering news, politics, current events, and culture with in-depth analysis and commentary

பிட்காயின் என்கிற பெயரில் நூதன முறையில் ரூபாய் 20 கோடி மோசடி

தென்காசி மாவட்டம் புளியங்குடியில் அதிக இலாபம் தருவதாக 300க்கும் மேற்பட்டவர்களிடம் 20 கோடி ரூபாய் மோசடி செய்த சுமதி என்ற பெண்ணை பாதிக்கப்பட்டவர்கள் அளித்த புகாரின் அடிப்படையில் போலீசார் பிடித்து விசாரணை நடத்தி வருகின்றனர் .

தென்காசி மாவட்டம் புளியங்குடியில் பிட்காயின் என்ற தனியார் வெப்சைட் நிறுவனம் நூதன முறையில் பொதுமக்களிடம் அதிகளவில் வட்டி ரூபாய் தருவதாக கூறி ஓய்வு பெற்ற அரசு ஊழியர்கள், விவசாயிகள் என 300க்கும் மேற்பட்ட நபர்களிடம் பலகோடி ரூபாய் மோசடி செய்துள்ளது. இதன் மூலம் பாதிக்கப்பட்ட மக்கள் தென்காசி மாவட்ட காவல்துறை கண்காணிப்பாளர் மற்றும் புளியங்குடி காவல்துறையிடம் புகார் அளித்துள்ளனர் .
இந்த புகாரின் அடிப்படையில் போலீசார் விசாரணை நடத்தி வந்த நிலையில் இதுதொடர்பாக இதே பகுதியைச் சேர்ந்த மாரியப்பன் என்பவர் மனைவி சுமதி (45) என்பவரிடம் விசாரணை நடத்தி இன்று அவரை புளியங்குடி போலீசார் காவல்நிலையத்திற்கு விசாரணைக்கு ஆஜராகுமாறு தெரிவித்திருந்தனர். இதனையடுத்து சுமதி இன்று காவல்நிலையத்திற்கு வந்த நிலையில் போலீசார் அவரிடம் விசாரணை நடத்தி வருகின்றனர் . இதுகுறித்த தகவல் பாதிக்கப்பட்டவர்களுக்கு தெரியவரவே சுமார் நூற்றுக்கும் மேற்பட்டவர்கள் காவல்நிலையம் முன்பு திரண்டதால் பெரும் பரபரப்பு ஏற்பட்டது.

தொடர்ந்து போலீசார் சுமதியிடம் நடத்திய விசாரணையில் திருப்பூர் மாவட்டம் உடுமலைப்பேட்டை சேர்ந்த ராஜதுரை அவருடைய மனைவி ஸ்வேதா மற்றும் இவரது கூட்டாளிகள் குட்டிமணி, கணேசன், தங்கராஜ், ரமேஷ், ஆகியோர் கூட்டாக சேர்ந்து www.stoitmart.com என்ற இணையதளத்தை உருவாக்கி ஆன்லைன் வர்த்தகம் மூலம் வீட்டு உபயோக பொருட்கள் விற்பது போன்ற தோற்றத்தை ஏற்படுத்தி இவர்களது கம்பெனியில் முதலீடு செய்பவர்களுக்கு அவர்கள் பெயரில் இ.வாலட் அதாவது ஐடி நம்பர் பாஸ்வேர்டு பின் எண் உருவாக்கி குறைந்தபட்சம் தொகை 7 ஆயிரம் முதல் 17 லட்சம் வரை பணம் முதலீடு செய்யலாம் என்றும் உதாரணத்திற்கு ரூபாய் 2 லட்சத்து 80 ஆயிரம் பணம் செலுத்தினால் தினம் ஆயிரத்து 456 ரூபாய் உங்கள் கணக்கில் சேமிப்பாகும் என்றும் மேலும் இந்த குழுவில் ஆட்களை சேர்த்துவிட்டால் அறிமுக கமிஷன் 24 மாதங்களுக்கு தருவதாக கூறியதாகவும் , இதில் சுமதி ஏராளமானவர்களிடம் நம்பிக்கை வார்த்தைகள் கூறி சேர்த்துள்ளார் .

இதனை நம்பி 300 க்கும் மேற்பட்டவர்கள் சுமார் 20 கோடி ரூபாய் வரை முதலீடு செய்தது தெரியவந்தது.
ஆனால் கூறியபடி முதல் இரண்டு மாதத்திற்கு கூடுதல் வட்டித் தொகையை வழங்கியுள்ளனர். இதனையடுத்து நிறுவனத்தை நடத்தியவர்கள் தலைமறைவாகிவிட்டனர். தற்போது ஏராளமானவர்களை இந்த நிறுவனத்தில் நம்பிக்கை வார்த்தை அளித்து சேர்த்துவிட்ட சுமதியிடம் போலீசார் தலைமறைவாக உள்ளவர்கள் யார் , அவர்கள் பின்னணி என்ன என்பது குறித்து தீவிரமாக விசாரணை நடத்தி வருகின்றனர்

About Author

error: Content is protected !!